Bonnda avqustun 14-17-nə təyin olunmuş Azərbaycan-Almanyia hökumətlərarası danışıqlarının növbəti raundunun keçirilmə müddəti bir həftə geri çəkilib. Bu barədə Trend hökumət mənbələrindən xəbər veriblər.
Müddətin dəyişdirilməsi səbəbi kimi azərbaycanlı həmsədr, iqtisadi inkişaf naziri Heydər Babayevin avqustun 16-dan 17-dək Batumidə keçiriləcək Azərbaycan-Gürcüstan hökumətlərarası komissiyasının üçüncü iclasında iştirakı göstərilib.
Bundan əlavə, maliyyə naziri Samir Şərifov hər iki tədbirdə təqdim olunmalıdır. O, Batumidə Gürcüstanın Azərbaycana olan borcunun restrukturlaşdurulması haqqında hökumətlərarası saziş, Bonnda İqtisadi Əməkdaşlıq Təşkilatı Proqramı çərçivəsində təbiətin regional müdafiəsi, Samur-Yalama milli parkının salınması üçün qrantın ayrılması haqqında müqavilə imzalayacaq.
Almanyiadakı danışıqlarda ikitərəfli iqtisadi əməkdaşlıq məsələləri, imzalanmış texniki və maliyyə müqavilələri, hazırda gerçəkləşdirilən və gələcəkdə gerçəkləşdiriləcək layihələr çərçivəsində hazırkı vəziyyəti müzakirə etmək planlaşdırılır. Bundan başqa, Almaniyanın KFW bankı və GTZ cəmiyyəti tərəfindən 2007-ci il üçün maliyyə və texniki yardımın həcmini dəqiqləşdirmək ehtimal olunur.
İndiyə qədər Almaniyanın Azərbaycana göstərdiyi texniki yardımının həcmi 26 mln. avro, maliyyə yardımının həcmi isə 143 mln. avro təşkil edir.
