Azərbaycanın Maliyyə Nazirliyi dövlət büdcəsinə böyük vergi ödəyicilərindən daxilolmaların artmasını təsdiq edib. Maliyyə Nazirliyindən Trend ə verilən xəbərə görə, operativ məlumatlara görə, 2006-cı ilin birinci yarısında vergi orqanları tərəfindən dövlət büdcəsi üçün yığılmış vəsaitin 38,5%-i və ya 395,7 mln. manatı 9 böyük vergi ödəyicisinin hesabına təmin olunub. Ötən ilin analoji göstəricisi ilə müqayisədə bu göstərici 46,3% və ya 125,2 mln. manat artıb.
Yanvar-iyun ayları ərzində Dövlət Neft Şirkəti dövlət büdcəsinə 3346,2 mln. manat ödəyib və bu, vergi orqanlarının yığdığı vəsaitin 33,7%-ni təşkil edib. ARDNŞ-dən başqa, qalan 8 böyük vergi ödəyicisi tərəfindən 2005-ci ilin analoji dövründəkinə nisbətən 7,1 mln. manat (16,7%) çox ödənilib.
Bu zaman Rabitə və İnformasiya Texnologiyaları Nazirliyi dövlət büdcəsinə 9 mln. manat ödəyib, bu isə Vergi Nazirliyinin yığdığı vəsaitin 0,9%-ni təşkil edir. "Azəriqaz" QTSC- 13,3 mln. manat (1,3%), ADDY - 9,9 mln. manat (1%), "Azərenerji" ATSC- 8,2 mln. manat (0,8%), "AzAL" DK- 5,8 mln. manat (0,6%), "Azərkimya" DK - 1,4 mln. manat (0,1%), "Azərsu" SC - 1,2 mln. manat (0,1%), Xəzər Dəniz Gəmiçiliyi - 0,6 mln. manat (0,1%) ödəyib. 2005-ci ilin birinci yarısı ilə müqayisədə "Azərkimya" dövlət büdcəsinə 1,8 dəfə çox, "AzAL" - 77,1%, ADDY - 29%, "Azəriqaz" - 16%, "Azərsu" - 15,6%, "Azərenerji" - 5,7% çox vergi ödəyib. Bu dövr ərzində Rabitə Nazirliyinin xətti üzrə daxilolmalar 9,8%, Xəzər Dəniz Gəmiçiliyi üzrə isə 7,1% azalıb.
Ümumilikdə, Vergilər nazirliyi 2006-cı ilin yanvar-iyul ayları ərzində dövlət büdcəsinə 1027,1 mln. manat və ümumi büdcə daxilolmalarının 66,3%-ni ödəyərək, proqnozu 104,7% yerinə yetirib.
