Azərbaycanın Əmək və Əhalinin Sosial Müdafiəsi Nazirliyi Qəbələdə əmək yarmarkası keçirib. Nazirliyin Baş Məşğulluq İdarəsindən Trend ə verilən məlumata görə, yarmarka zamanı 85 nəfər işlə təmin olunub. Bütövlükdə yarmarkada 15 müəssisə 260 vakant iş yeri ilə iştirak edib.
İdarədən o da bildirilib ki, indiyədək nazirlik ölkənin müxtəlif bölgələrində, o cümlədən Naxçıvan MR-də 35-dən çox əmək yarmarkası keçirib. Yarmarkalarda 1040 müəssisə 12028 iş yeri ilə iştirak edib. Nəticədə 2636 nəfər işə qəbul olunub, 184 nəfər ödənilən ictimai işlərə, 154 nəfər isə hazırlıq kurslarına cəlb olunub.