Oktyabrın I yarısında Milanda II Azərbaycan-İtaliya biznes-forumunun keçirilməsi gözlənilir. Azərbaycan İnvestisiyaların Təşviqi və İxrac Fondundan (AZPROMO) Trend ə verilən məlumata görə, hazırda bu tədbirdə iştirak etmək
istəyən şirkətlərin siyahısı hazırlanır. Tədbirin keçirilməsi ilə bağlı təşəbbüsü Azərbaycanın İtaliyadakı səfirliyi irəli sürsə də, təşkilati işlərdə AZPROMO da iştirak edir.
Birinci biznes-forum 2005-ci ilin yazında Romada Azərbaycan prezidentinin İtaliyaya səfəri çərçivəsində keçirilib. Bu forumda iştirak etmək üçün respublikanın biznes dairələrindən 25 nəfərlik qrup yola düşmüşdü. İtaliya tərəfdən isə 150 işgüzar adam iştirak etmişdi. Biznes-forumun yekunları üzrə bir neçə kommersiya sazişi imzalanmışdı.
