...

Azərbaycanın Vergi Məcəlləsində borclularla işin gücləndirilməsi üzrə dəyişikliklər ediləcək

Biznes və iqtisadiyyat xəbərləri Materials 5 Sentyabr 2006 16:38 (UTC +04:00)

Azərbaycanın Vergilər Nazirliyi 2007-ci ildə Vergi Məcəlləsinə dəyişiklik və əlavələr layihəsində vergi borcunun alınma mexanizmini sərtləşdirməyi təklif edir. Trend xəbər verir ki, bu günkü mətbuat konfransında Vergi borclarının məcburi alınması üzrə işlərin təşkili İdarəsinin rəisi Bəxtiyar Qəhrəmanov bildirib ki, hər gün borcun məbləğinə hesablanan cərimənin məbləğinin 0,05%-dən 0,1%-ə qədər artırılması təklif olunur.

Bundan əlavə, gələn ildən həmçinin məhkəmə orqanlarına iddia verilmə vaxtının qısaldılması təklif olunur. Bu məhkəmələrin qərarına əsasən, borclunun hesabdan silinmiş əmlakı mərkəzləşdirilmiş hərraclar vasitəsilə satışa qoyulur.

Hazırda 60 gün ərzində borclunun əmlakı siyahıya alınır, bu müddət keçdikdən sonra borc ödənilməzsə, vergi orqanları məhkəməyə müraciət edir. Sonra məhkəmə icraçıları siyahıya alınmış əmlaka həbs qoyur və həmin əmlak vergi orqanlarının razılığı olmadan özgəninkiləşdirilə bilməz. VM-ə olan təkliflərdə bu müddətin 30 günə qədər azaldılması təklif olunur.

B.Qəhrəmanovun sözlərinə görə, vergi borclarının məcburi alınması 2001-ci ildə Vergi məcəlləsi qüvvəyə mindikdən sonra nazirliyin struktur vahidi olub.

Xəbər lenti

Xəbər lenti