...

Maliyyə Nazirliyi DB layihələrindən birində dövlət payının artırılmasını təklif edir

Biznes və iqtisadiyyat xəbərləri Materials 18 Sentyabr 2006 20:00 (UTC +04:00)

Trend-i buradan izləyin

Azərbaycan Nəqliyyatına və dəmir yolu vasitəsi ilə ticarətə yardım layihəsi üzrə danışıqlar Dünya Bankının (DB) layihə qrupunun rəhbəri Cerald Olivyenin başçılıq etdiyi missiyanın Bakıya səfəri zamanı davam etdiriləcək. Bankın Bakı nümayəndəliyindən Trend ə verilən məlumata görə, səfər sentyabrın 19-dan başlayacaq və ayın 26-dək davam edəcək.

Layihənin hazırlanmasına 2006-cı ilin əvvəlindən başlanılıb. Və Yaponiya hökumətinin PHRD fondundan ayrılmış $900 min məbləğində qrant hesabına texniki-iqtisadi əsaslandırmanın hazırlanması üçün məsləhətçilər cəlb olunub.

Nəqliyyat Nazirliyindən Trend ə verilən məlumata görə, layihə dəmir yolu vasitəsi ilə sərnişin və yük daşınmasının restrukturizasiyasını və Azərbaycan Dövlət Dəmir Yolunun maliyyə menecmentinin beynəlxalq standartlara çatdırılmasını nəzərdə tutur.

Səfər zamanı layihənin təqdimatı keçiriləcək və missiya məsləhətçilər tərəfindən görülmüş işlərlə tanış olacaqlar. İlkin məlumatlara görə, layihənin ümumi dəyəri $100 mln-dur. DB tərəfindən ayrılacaq kreditin həcmi isə hələ müəyyən olunmayıb, belə ki, hazırda Maliyyə Nazirliyi ilə dövlətin layihədəki iştirak payı müzakirə olunur. Və dövlət payının yüksəldiləcəyi nəzərdə tutulur. Kredit Beynəlxalq Yenidənqurma və İnkişaf Bankının şərtləri əsasında ayrılacaq.

Xəbər lenti

Xəbər lenti