"Ailə kəndli təsərrüfatı haqqında" Qanunun tətbiqi ilə əlaqədar Azərbaycan Respublikasının İnzibati Xətalar Məcəlləsinə dəyişikliklər ediləcək. Bu barədə Trend ə Milli Məclisin Aqrar Məsələlər Daimi Komissiyasından bildiriblər.
Dəyişikliklər ailə kəndli təsərrüfatlarının qeydiyyatdan, eləcə də məcburi sosial sığorta ödəmələrindən yayınmalarının qarşısını alacaq. Dəyişiklikdə deyilir ki, ailə kəndli təsərrüfatlarının üzvləri bələdiyyələrdə qeydiyyata durmalıdır. Əks halda, onlar şərti maliyyə vahidinin 5 mislindən 10 mislinədək cərimə olunacaq.