...

Bankların kapitallaşdırılma üzrə proqramının AMB-yə təqdim edilmə müddəti oktyabrın 1-də başa çatır

Biznes və iqtisadiyyat xəbərləri Materials 25 Sentyabr 2006 15:43 (UTC +04:00)

Kommersiya banklarının ümumi kapitallarının artırılması proqramının Azərbaycan Milli Bankına təqdim edilmə müddəti oktyabrın 1-dək müəyyən olunub. Bu barədə Trend ə AMB-nin baş direktoru Rüfət Aslanlı məlumat verib. AMB-nin tələblərinə əsasən, o vaxtadək hər bir bankın ümumi kapitalının minimal həcmi 10 mln. yeni manat olmalıdır.

"Biz bankların kapitalının artırılma templərindən razıyıq. Banklar öz proqramlarını fəal surətdə təqdim edirlər və biz hesab edirik ki, proqramların hamısı vaxtında hazır olacaq", - deyə R.Aslanlı qeyd edib.

Bankların kapitallaşdırma ilə mövcud vəziyyətinin müzakirəsi üzrə AMB idarə heyətinin sonuncu toplantısında ümumi kapitalın 1 iyul 2006-cı ilə qədər 6,4 mln. manata çatdırılması üzrə Milli bankın normativ tələblərinin yerinə yetirilməsi üzrə bankların qiymətləndirilməsi həyata keçirilib. Görüşdə hər bankın kapitalı qiymətləndirilib. AMB idarə heyətinin təsdiq edilmiş qrafikinə əsasən 1 yanvar 2007-ci il üçün müəyyən olunmuş normativ tələb 8,200 mln. manat təşkil edib.

Xəbər lenti

Xəbər lenti