Bu gün Dünya bankının Azərbaycanın səhiyyə sistemində islahatlar layihəsi üzrə missiyasının Bakıya səfəri başlayır. DB-nin Bakı nümayəndəliyindən Trend ə verilən məlumata görə, missiyaya layihənin rəhbəri Enis Barış (Enis Baris) başçılıq edəcək.
Səfərin başlıca məqsədi 29 iyun 2006-cı ildə DB-nin Direktorlar Şurasında təsdiq olunmuş layihənin hazırlanmasından ibarətdir. Layihənin həyata keçirilməsi üçün kredit sazişinin imzalanacağı gözlənilir. Azərbaycan tərəfdən sazişi səhiyyə naziri Oqtay Şirəliyev, DB tərəfdən isə bankın Bakı nümayəndəliyinin başçısı Qreqori Yeceyçak imzalayacaq. Sazişin imzalanma tarixi hələ konkretləşdirilməyib.
Layihənin ümumi dəyəri 86,75 mln. ABŞ dolları təşkil edir, bunun 50 mln. ABŞ dolları DB, 28 mln. ABŞ dolları - Azərbaycan hökümətinin layihədə iştirak payı, qalan vəsaitlər isə qrantlar hesabına ödəniləcək. Büdcənin böyük hissəsi (83%) tibbi və sosial xidmətlərin inkişafına, 14%-i - mərkəzi inzibatçılıq səviyyəsində idarəetməyə, 3%-i isə məcburi tibbi ödənişlərin idarəsinə sərf olunacaq.
Layihənin dörd başlıca komponenti var:
- Səhiyyə Nazirliyinin idarəetmə potensialının, sektoral siyasətinin, planlaşdırma və nizamlanmasının gücləndirilməsi.
- 5 pilot rayonda tibbi keyfiyyətlərin keyfiyyətinin və səmərəliliyinin yaxşılaşdırılması, bura rayon səviyyəsində xidmətlərin ilkin səviyyəsinin modifikasiyası və 3 rayon xəstəxanasının tikintisi, bu rayonlarda təqdim olunmuş səhiyyənin ilkin və ikinci səviyyəsi arasında əlaqənin möhkəmləndirilməsi daxildir.
- Azərbaycan səhiyyəsi haqqında pulsuz hesablaşmaların tədricən azaldılmasına yönəldilmiş qayğı islahatlarının maliyyələşdirilməsi və sığorta prinsiplərinə doğru irəliləyiş.
- tibbi personal üçün proqramların sertifikatlaşdırılması və Azərbaycanın Həkimlər Assosiasiyasının möhkəmləndirilməsi də daxil olmaqla, kadr potensialının yüksəldilməsi.
Missiya oktyabrın 10-a qədər ölkədə olacaq.
