Zibil emalı zavodunun inşası üzrə texniki-iqtisadi layihə ilə bağlı məsələləri Azərbaycan hökuməti ilə müzakirə etmək üçün Yaponiyanın EBARA şirkətinin texniki missiyası Bakıya gəlib. Hökumətdən Trend ə verilən məlumata görə, missiya müvafiq nazirlik və idarələrlə danışıqlar aparacaq.
Ekologiya və Təbii Sərvətlər, İqtisadi İnkişaf nazirlikləri, Bakı Şəhəri İcra Hakimiyyəti mütəxəssislərinin təmsil olunduğu idarələrarası işçi qrupu texniki iqtisadi əsaslandırmanın (TİƏ) hazırlanması üçün texniki vəzifə hazırlayıb.
Hökumətdə hesab edirlər ki, TİƏ, böyük istehsal gücünə malik bir zavodun və ya Bakının müxtəlif rayonlarında kiçik gücə malik bir neçə zavodun inşasının iqtisadi məqsədyönlüyü göstərilməklə, bir neçə varianta olmalıdır. Bu zavodlar Balaxanı, Suraxanı, Qaradağ rayonu, Bakı və Sumqayıt arasındakı şossedə inşa edilə bilər.
Layihənin ilkin dəyəri 350 mln. avro qiymətləndirilir ki, bunun da 50 mln. avrosunu Avropa bankı ayırmağı təklif edir. Hökumət bərk tullantıların emalı üzrə zavodun inşasına xaricdən alınmış borclardan $150 mln. məbləğində vəsait cəlb etmək niyyətindədir. Bu, dövlət zəmanəti ilə alınmış xarici kreditlərin limitində də öz əksini tapıb.