Azərbaycanda oktyabrın 1-nə qədər yığılan tütün yarpaqlarının həcmi 4 min ton təşkil edib, bu isə ötən ilin həmin dövrü ilə müqayisədə 2 min ton azdır. Bu barədə Trend ə Kənd Təsərrüfatı Nazirliyindən məlumat verilib.
Tütünün ümumi əkin sahəsi 1826 hektar təşkil edib. Bölgələrdə yığım işləri hələ də davam edir.
2006-cı il üçün tütün yarpaqlarının yığımı üzrə proqnoz 5 min ton həcmində müəyyənləşdirilib.
2005-ci ildə ölkədə tütün yarpaqlarının istehsal həcminin göstəricisi 7 min tondan artıq təşkil edib.
Azərbaycanda tütün yarpaqları əsasən Zaqatala, Şəki, Qax, Qəbələ və Balakənin də daxil olduğu Şəki-Zaqatala iqtisadi rayonunun ərazisində istehsal olunur.