Azərbaycan Əmək və Əhalinin Sosial Müdafiəsi Nazirliyi Bakıda keçiriləcək əmək yarmarkalarının tarixini dəyişib. Nazirliyin Baş Məşğulluq İdarəsindən Trend ə verilən məlumata görə, əvvəlcə tədbirin noyabrın 8-9-da keçirilməsi planlaşdırılıb. Amma təşkilati məsələllərə görə onun 15-16 noyabr tarixində Əl Oyunları Sarayında keçirilməsi qərara alınıb.
Sonuncu dəfə nazirlik tərəfindən analoji tədbir oktyabrın 6-da Gəncədə keçirilib. Bu zaman 397 nəfər işlə təmin olunub.
Bu günə qədər nazirlik tərəfindən ölkənin müxtəlif regionlarında, o cümlədən Naxçıvan Muxtar Respublikasında 54 əmək yarmakası keçirilib. Yarmarkalarda 19643 iş yeri ilə 1979 müəssisə iştirak edib. Nəticədə 4905 nəfər işlə təmin olunub, 234 nəfər ödənişli ictimai işlərə cəlb olunub, 310 nəfər isə hazırlıq kurslarına göndərilib.
