...

Mübariz Qurbanlı: "Seçki Məcəlləsinin dəyişdirilməsinə zərurət yoxdur"

Biznes və iqtisadiyyat xəbərləri Materials 20 Oktyabr 2006 14:54 (UTC +04:00)

Seçki Məcəlləsinin dəyişdirilməsinə zərurət yoxdur. Trend xəbər verir ki, bu barədə hakim Yeni Azərbaycan Partiyası icra katibinin müavini, millət vəkili Mübariz Qurbanlı Seçki Məcəlləsinin dəyişdirilməsi ilə bağlı jurnalistlərin suallarını cavablandırarkən bildirib.

M.Qurbanlı onu da qeyd edib ki, sənəd özünü doğruldub. Eyni zamanda sənəd qəbul edilərkən Avropa Şurası və ATƏT-in müvafiq qurumları tərəfindən ekspertiza rəyi alıb: "Seçki Məcəlləsi ilə bağlı növbəti mərhələdə bu və ya digər təkliflər olarsa, müzakirə olunmalıdır. Amma koordinal şəkildə hansısa dəyişikliyin zərurəti yoxdur".

M.Qurbanlı vurğulayıb ki, o, yalnız hakim partiya adından belə bir fikirdədir. O, Azərbaycan hökumətinin bu məsələdə hansı mövqe tutacağı barədə qəti heç nə deyə bilməyəcəyini qeyd edib.

Xəbər lenti

Xəbər lenti