"Millikart" məhdud məsuliyyətli cəmiyyəti dekabrın əvvəllərində öz fəaliyyətinin təqdimatını keçirməyi planlaşdırılır, belə ki, sərbəst struktur kimi o, 2 oktyabr 2006-cı ildə fəaliyyətə başlayıb. Mərkəzdən Trend -ə verilən məlumata əsasən, təqdimat iki başqa hadisə - "UniBank"-ın "Azərikard" prossesinq mərkəzindən "Millikart"-a köçürülməsi və "Azərdəmiryolbank" -ın MasterCard beynəlxalq ödəniş sisteminin çip kartının pilot buraxılışı ilə də üst- üstə düşür.
"Azerikard"- la xidmət göstərən banklar, "MasterCard"-ın sertifikatlaşdırma prosesinə 2007-ci ilin əvvəlində başlayacaq. Buna görə də "Azərdəmiryolbank" respublikada ilk bank olacaq ki, bu ödəniş sisteminin çip kartına keçəcək və bu yeni prossesinq mərkəzindən baş verəcək.
"UniBank"-ın hələ Visa beynəlxalq ödəmə sisteminin üzvü olduğu halda köçürmə prosesi "MasterCard" -da sertifikatlaşma ilə paralel baş verəcək. Bu bank ilk əvvəl bu sistemin maqnit kartına, sonra çipə keçəcək.
UniBankın "Millikart"-a keçməsi nəticəsində bu kart mərkəzindən xidmət göstərilənlərin sayı 30 minə çatdırılacaq, baxmayaraq ki, buraxılışın ilkin planlarına əsasən ilin sonuna kimi 50 minə çatdırılmalı idi. MMC-də qeyd olunduğu kimi, buraxılışın bu həcmi 2007-ci ilin ilk kvartalına kimi çatdırılacaq.
Milli Bank 18 bankla idarə olunma üçün mərkəzə verilməsi haqqında təsis müqaviləsi imzalayıb. MMC 14 iyul 2006-cı ildə təsis edilib. Təsis mərkəzləri Atabank,Azərdəmiryolbank, Azərtürkbank, Bank of Baku, CIBank, Debütbank, Əmrahbank, Xalqbank, Kredobank, Azərbaycan mikromaliyyələşdirmə bankı, Parabank, Rabitəbank, Respublikabank, Bank Standard, Texnikabank, UniBank və Zaminbankdır.
