İqtisadi İnkişaf Nazirliyinin Antiinhisar siyasəti departamenti tərəfindən Azərbaycanın tikinti materialları bazarında keçirilmiş tədbirlər nəticəsində qiymətlər aşağı düşməyə başlayıb. Trend xəbər verir ki, bu barədə iqtisadi inkişaf naziri Heydər Babayev məlumat verib. Xüsusilə, "Qaradağ-sement" SC-nin məhsulunun qiymətinin düşdüyü müşahidə olunub. Qiymətlər 9 manatdan 6,4 manata qədər enib.
"Bizim təkliflərimiz var və onlar bu həftənin sonunadək açıqlanacaq", - deyə H.Babayev qeyd edib.
Son vaxtlar tikinti materiallarına tələbatın artması ilə əlaqədar tikinti materiallarının qiymətinin ciddi şəkildə bahalaşması müşahidə olunduğundan Antiinhisar departamenti ötən ayın sonunda tikinti materialları bazarının monitorinqinə başlayıb.