Azərbaycan Kənd Təsərrüfatı Nazirliyinin Elmi-aqrar mərkəzinin baş direktoru Əsəd Musayev Dehliyə yola düşüb. Nazirlikdən Trend -ə verilən məlumata əsasən, o Kənd təsərrüfatı Tədqiqatı üzrə Qlobal forumda (Global Forum on Agricultural Research GFAR) iştirak edəcək.
"Minilliyin inkişafı məqsədləri üçün kənd təsərrüfatı tədqiqatlarının istiqamətlərini yenidən müəyyənləşdirmək" mövzusunda görüş 9-12 noyabrda keçiriləcək.
Görüşdə Orta Asiya və Cənubi Qafqaz da daxil olmaqla dünyanın bir çox ölkələrindən mütəxəssislərin iştirakı gözlənilir.
Konfransın proqramı kənd təsərrüfatındakı tədqiqatların inkişafın gələcəkdəki istiqamətlərinin qeyri- formal və formal müzakirəsinə, bu sahədə əsas istiqamətlərin və dəyişiliklərin müəyyənləşdirilməsinə, xüsusilə də sosial istiqamətli kənd təsərrüfatının gələcəyinə öz töhfəsini verəcək yeni texnologiyaların tətbiqinə yönəlib.
