Noyabr ayı ərzində Avropa Yenidənqurma və İnkişaf Bankı (AYİB) Azərdəmiryolbankın yeni həmmaliyyələşdirmə proqramına qoşulmasını təqdir etməyi planlaşdırır. Bankın idarə heyətinin sədri Roman Əmircanovun Trend ə verdiyi xəbərə görə, AYİB-in bank üçün kredit xəttinin 6 mln. ABŞ dolları səviyyəsində olacağı ehtimal olunur. Azərdəmiryolbank da eyni həcmdə vəsait qoymağı planlaşdırır.
R.Əmircanovun sözlərinə görə, hazırda AYİB ilə aparılan danışıqlar başa çatmaq üzrədir. Kredit xətti təxminən 7 il müddətinə nəzərdə tutulacaq.
Azərdəmiryolbankın səhmdarları artıq yeni kredit xəttinin alınmasını təqdir ediblər. Layihədə paritet əsaslarla risklərin və onlara olan marağın paylanması zamanı böyük layihələrin kreditləşdirilməsi nəzərdə tutulub.
Bu günə qədər bu beynəlxalq maliyyə institutundan cəlb olunmuş ehtiyatların ümumi həcmi 12,5 mln. ABŞ dollarına çatıb, o cümlədən mikro, kiçik və orta müəssisələrin dəstəklənməsinə - 9,5 mln. ABŞ dolları, ticari maliyyələşdirmə proqramı çərçivəsində - 3 mln. ABŞ dolları ayrılıb. Bundan əlavə, AYİB Azərdəmiryolbanka texniki yardım göstərir. Azərbaycan bankı və AYİB arasında əməkdaşlıq 1997-ci ildə başlayıb.
AYİB 2005-ci ilin dekabr ayından Azərdəmiryolbankın səhmdarıdır. Bankın kapitalında onun payı 25%+1 səhm təşkil edir.
