Dekabrın 8-i Avropa Yenidənqurma və İnkişaf Bankı (AYİB) və "Bank of Baku" ASC bank müştərilərinin idxal-ixrac əməliyyatlarının maliyyələşdirilməsi məqsədilə 4 mln. ABŞ dolları həcmində revolver kreditləşmə haqqında saziş imzalayıblar. Bu barədə Trend Bank of Baku ASC-nin məlumatına istinadən xəbər verir.
Saziş banka ticarətin maliyyələşdirilməsi üzrə yerləşdirilməmiş kredit xəttinin qalan hissəsinin qısamüddətli kreditlərə (360 gün) yönəldilməsinə imkan yaradacaq.
2006-cı ilin sonunadək "Bank of Baku" və AYİB bankın iri korporativ müştərilərinin birgə maliyyələşdirilməsi məqsədilə 5 mln. ABŞ dolları həcmində növbəti sazişin imzalanmasını planlaşdırırlar.