Azərbaycan Milli Bankının nəzdində fəaliyyət göstərən Azərbaycan ipoteka fondu 2007-ci ildə ipoteka kreditləşməsində vergi güzəştlərinin tətbiq olunması təşəbbüsü ilə hökümətə müraciət etmək niyyətindədir.
Trend AİF-in icraçı direktoru Faiq Məmmədova istinadən xəbər verir ki, dünya təcrübəsinə əsasən ipoteka kreditləri üzrə ödənilən faizlər borc alanın vergi qoyulan bazasından hesablanır.
"Bu o deməkdir ki, faizlər aylıq gəlirdən hesablanır və bu zaman vergi qoyulan bazaya daxil edilmir. Bu, tətbiq edilərkən sərbəst vəsaitlərin formalaşması imkanları genişlənir və cari və məişət xərclərinin artırılmasına imkan verilir. Digər tərəfdən, bu, böyük məbləğdə kredit almaq üçün imkan yaradır", - deyə F.Məmmədov qeyd edib.
Gələn il büdcə paketi formalaşarkən AİF bu təkliflərlə hökümətdə çıxış etmək istəyir və ümid edir ki, onlar qəbul olunacaq. Fond başçısı hesab edir ki, vergi güzəştləri 2008-ci ildən tez tətbiq olunmayacaq.