...

Baku Steel Company xaricə məhsul ixracını dayandırıb

Biznes və iqtisadiyyat xəbərləri Materials 15 Dekabr 2006 18:47 (UTC +04:00)

Azərbaycanın daxili bazarında məhsula olan yüksək tələbatla bağlı, Baku Steel Company (BSC) məhsulun xaricə ixracını dayandırmağa məcburdur. Bu barədə Trend ə şirkətdən məlumat verilib. Şirkət Azərbaycan bazarının tələbatının 80%-ni ödəyir.

Şirkət nümayəndəsinin sözlərinə görə, hazırda Baku Steel Company sutkada 1 min ton məhsul istehsal edir, bunun üçün isə 1,3 min tona qədər xammal tələb olunur.

"Son zamanlar alınan xammalın həcmi azalıb. Əvvəl biz sutkada 1,2-1,3 min ton, indi isə sutkada 0,7-1 min ton xammal alırıq", - deyə şirkətdən bildirilib.

Şirkətdən məlumat verilib ki, xammalın çatışmaması məsələsi üzrə Azərbaycan höküməti ilə məsləhətləşmələr aparılır.

2005-ci ildə BSC şirkətinin istehsal həcmi 330 min ton təşkil edib.

BSC fəaliyyətə başladığı vaxtdan istehsala 75 mln. ABŞ dollarından çox sərmayə qoyub.

BSC şirkətinin istehsal gücü ildə 350 min ton təşkil edir. Şirkət əməkdaşlarının sayı 2 min nəfəri ötür.

Xəbər lenti

Xəbər lenti