...

Azərbaycan EUROSAI –ARABOSAI-nın ilk iclasında işitrak edib

Biznes və iqtisadiyyat xəbərləri Materials 16 Dekabr 2006 13:00

Trend-i buradan izləyin

Azərbaycan Tunisdə Özəlləşdirmə və onun dövlət xidmətlərinin idarə olunmasına onun təsirinin müzakirə olunduğu EUROSAI-ARABOSAI -nın I toplantısında iştirak edib. Trend Azərbaycan Hesablama Palatasına istinadən xəbər verir ki, görüşdə Azərbaycandan AHP -nin sədr müavini Abbas Allahverdiyev, Aparatın rəhbəri Rasim Həsənov və Icmal-analitik nəzarət şöbəsinin baş məsləhətçisi Sənan Ağakişiyev iştirak edib.

Tədbirdə ARABOSAI-ın baş katibi, Tunis Audit Məhkəməsinin 1-ci prezidenti Faiza Kefi və INTOSAI-ın, EUROSAI-ın, ARABOSAI- ın rəhbər şəxsləri iştirak edib.

İclasda Mərakeş, İsveçrə, Tunis, Misir, Rusiya Federasiyasından olan mütəxəssislərin özəlləşdirmənin konsepsiyaları, hüquqi və institusional aspektlər, dövlət siyasəti, dövlət əmlakının və xidmətlərin auditi üzrə məruzələri dinlənilib.

Tədbir çərçivəsində Azərbaycanın nümayəndə heyəti Böyük Britaniya Milli Audit Ofisinin baş auditoru, ITOSAI özəlləşdirmə üzrə işçi qrupunun rəhbəri Con Born, Rusiyanın Hesablama Palatasının sədri Sergey Stepaşinlə, Türkiyənin Hesablama Məhkəməsinin başçısı Mehmet Damar, Küveyt Audit Bürosunun prezidenti Barrak Əl-Mərzuq və b. ilə əməkdaşlığın perspektiv planları, əlaqələrin genişləndirilməsi üzrə bir sıra qeyri-rəsmi ikitərəfli görüşlər keçirilib. Toplantı çərçivəsində Tunisin baş naziri Məhəmməd Qannouçi nümayəndə heyətlərini qəbul edib.

Avropa maliyyə nəzarətinin ali orqanları təşkilatı (EUROSAI) Maliyyə Təşkilatının ali orqanlarının Beynəlxalq təşkilatının (INTOSAI) regional təşkilatlarından biridir. Təşkilat 186 ölkənin yüksək nəzarət orqanlarını özündə birləşdirir və Birləşmiş Millətlər Təşkilatı ilə əməkdaşlıq edən müəssisə dərəcəsinə malikdir. EUROSAI ilə yanaşı ASOSAI, ARABOSAI, AFROSAI, CAROSAI, OLACEFS və SPASAI regional təşkilatları INTOSAI-nın üzvləridir.

EUROSAI 1990-cı ildə təsis olunub. O vaxt təşkilatın 30 üzvü var idi. Hazırda EUROSAI 47 ali maliyyə nəzarəti orqanını birləşdirir.

Xəbər lenti

Xəbər lenti