TRACECA nəqliyyat dəhlizi çərçivəsində texniki layihələrin realizəsi gələn ilin avqust ayında yekunlaşacaq. Bu barədə Trend ə həmin təşkilatın Azərbaycandan milli katibi Akif Mustafayev bildirib.
"NEA" Niderland şirkəti Cənubi Qafqaz ekspeditorlarının hazırlanması layihəsini realizə edir.
TRACECA nəqliyyat dəhlizi ilə təhlükəli yüklərin daşınması üzrə treninqlərlə tenderin qalibləri - NEA şirkətlər alyansı (Niderland) və HPTE şirkəti (Almaniya) məşğul olur. Dənizlə yükdaşımaları idarəsi işçilərinin hazırlanması layihəsini Britaniyanın "Knayt Smart" şirkəti həyata keçirir.
Dəniz idarəsi əməkdaşlarının hazırlanması layihəsində nəqliyyat dəhlizinin dənizə çıxışı olan 5 ölkəsi iştirak edəcək.
Ekspeditorların hazırlanması layihəsi 10 ölkəni əhatə edir. Türkiyə, Bolqarıstan və Rumıniya bu layihədə iştirak etməyəcək, belə ki, bu istiqamətdə kifayət qədər inkişaf etmiş xidmətlərə sahibdirlər.
