Dünya bankı Azərbaycanla əməkdaşlıq strategiyası çərçivəsində (2007-2010-cu illər) Beynəlxalq Yenidənqurma və İnkişaf Bankının (BYİB) xətti ilə ölkəyə 250 mln. dollar ayırmağı planlaşdırır.
Trend xəbər verir ki, kreditin faktiki həcmi hökumətlə birgə aparılan maliyyələşmədən və absorbasiya imkanlarından asılı olacaq.
BYİB-in bu ardıcıllıqla maliyyələşmə aparmaqda niyyəti qərar qəbul edilərkən hər yeni addımda həmin sahədə inkişaf və islahatların vəziyyətinin nəzərə alınmasıdır.
2005-ci ilə qədər DB Beynəlxalq İnkiaşf Assosiasiyası (BİA) xətti ilə Azərbaycan layihələrini yalnız güzəştli şərtlərlə maliyyələşdirib. BYİB-in ölkə üçün ilk krediti 2005-ci ilin mayında, ikinci krediti isə 2006-cı ilin yanvarında təsdiq olunub.
Azərbaycan hazırda BİA maliyyələşməsindən BYİB maliyyələşməsinə keçid mərhələsindədir.