Azərbaycan İqtisadi İnkişaf Nazirliyi Azərbaycan prezidentinin İİN-nin fəaliyyətinin təkmilləşdirilməsi üzrə tədbirlər haqqında 29 dekabr 2006-cı il tarixli Fərmanı ilə təsdiq olunmuş yeni əsasnaməyə uyğun olaraq nazirliyin strukturunun dəyişdirilməsi üzrə işləri fəallaşdırıb.
Çərşənbə günü İqtisadi İnkişaf Nazirliyindən Trend ə verilən məlumata görə, nazirliyin yeni strukturunun formalaşdırılması prosesinin yanvarın sonunadək başa çatdırılması planlaşdırılır.
İİN yanında iki dövlət xidməti - Antiinhisar dövlət xidməti və İslehlak bazarına nəzarət üzrə Dövlət xidməti yaradılacaq. Bu funksiyalar hələ buna qədər nazirliyin müstəsna hüquqları idi. Sahibkarlığın inkişafı üzrə departament nazirliyin şöbəsinə çevriləcək.
Bundan başqa, Azərbaycan Elmi-texniki informasiyaları və texniki araşdırmaların Elmi-tədqiqat institutunun və İqtisadi İnkişaf Nazirliyinin İqtisadi islahatlar mərkəzinin ləğv edilməsi nəzərdə tutulub və onların bazasında İİN-nin Elmi-Tədqiqat İqtisadi islahatlar institutu yaradılacaq.
Ləğv olunmuş institut və mərkəzin funksiya və səlahiyyətləri, eləcə də onların balansında olan əmlak yeni iqtisadi islahatlar institutuna veriləcək.
Strukturdakı dəyişikliklərlə bağlı İİN-nin əməkdaşlarının sayının yeni həddinin də müəyyən olunacağı gözlənilir. Mərkəzi aparatda 220, regional şöbələrdə - 70, Milli Sahibkarlığa yardım fondunda - 50, Antiinhisar xidmətində - 45, İstehlak bazarına nəzarət üzrə Dövlət xidmətində - 70 ştat vahidi olacaq.
