Azərbaycan Milli Bankı (AMB) 2006-cı ildə ölkə iqtisadiyyatında dollarlaşmanın səviyyəsinin azalması barədə bildirib. AMB-dən Trend ə bildiriblər ki, ilin nəticələrinə görə, depozit portfelinin ümumi xarici valyutada pul qoyuluşu və depozitlərinin çəkisi 19,5%, M3 pul aqreaqatında isə - 18,8% azalıb. Bu proseslər manatın məzənnəsinin möhkəmlənməsini və dominasiya nəticəsində əhalinin milli valyutaya etibarının artmasından xəbər verir.
2007-ci il yanvarın 1-i üçün keçən ilin analoji dövrü ilə müqayisədə xarici valyutada qoyuluş və depozitlərin artım tempi 24,8% səviyyəsində olub. Fiziki şəxslərin manatla pul qoyuluşlarının artım tempi xarici valyutada pul qoyuluşu göstəricisini keçib. Keçən 12 ay ərzində əhalinin manatla pul qoyuluşları 4,5 dəfə artıb, xarici valyutada isə bu göstərici 29,7% təşkil edib. Fiziki şəxslərin pul qoyuluşu strukturunda xarici valyutada depozitlərin çəkisi 2007-ci il yanvarın1-i üçün keçən ilin 88,7%-nə qarşı 69,5% təşkil edib. Qısamüddətli xarici pul qoyuluşları keçən ilin əvvli ilə müqayisədə 39,1%, uzunmüddətli - 22% artıb. Halbuki qısamüddətli manatla pul qoyuluşları 1,7 dəfə səviyyəsində, uzunmüddətli isə 6,9 dəfə səviyyəsində idi.
Fiziki şəxslərin manatla pul qoyuluşları hüquqi şəxslərin manatla depozitlərinin artım tempini keçib. Pul qoyuluşları və depozitlərin ümumi həcmində depozitlərin çəkisi keçən ilin əvvəlində olan 77,6% göstəricidən dekabrın sonunda 69,7%-ə qədər azalıb.
Fiziki şəxslərin mantla pul qoyuluşları 4,5 dəfə artıb.
Uzunmüddətli manatla pul qoyuluşları ilin əvvəli üçün 4,8 dəfə artıb.
AMB qeyri-rezidentlər tərəfindən ölkə banklarına manatla pul qoyuluşlarının artmasını da qeyd edir. 2007-ci il yanvarın1-i üçün qeyri-rezident fiziki şəxslərin qısamüddətli manatla pul qoyuluşları 3,2 dəfə, uzunmüddətli isə 7,4 dəfə artıb.
