Milli Məclisin Regional məsələlər daimi komissiyası müvafiq dövlət qurumları ilə birgə "Coğrafi obyektlərin adları haqqında" yeni qanun layihəsi hazırlayıb. Trend in məlumatına görə, yeni layihə parlamentin yaz sessiyasında müzakirəyə çıxarılacaq.
Adıçəkilən qanun coğrafi obyektlərə ad verilməsi, onların köhnə adlarının bərpası, dəyişdirilməsi, habelə, xalqımızın tarixi və mədəni irsinin tərkib hissəsi olan coğrafi obyektələrin adlarının normallaşdırılması, işlədilməsi, qeydiyyatı və qorunub saxlanılması sahəsindəki fəliyyətin hüquqi əsaslarını müəyyənləşdirəcək.
Qanuna əsasən, xalqımızın tarixi və mədəni irsinin tərkib hissəsi olan coğrafi obyektlərin adları dövlət tərəfindən mühafizə olunur.
