2007-ci ildə ilk biznes-forum fevralın 16-da Berlində keçiriləcək. Cümə günü Azərbaycan investisiyaları və ixracatı təşviq fondundan (AZPROMO) Trend ə bildiriblər ki, Azərbaycan nümayəndə heyətinə 30-dan artıq biznesmen daxil olacaq. Onlar ölkənin qeyri-neft sektoru - maliyyə, qida, kənd təsərrüfatı və s. sahələri təmsil edəcəklər.
Azərbaycan-Almaniya biznes forumunun təşkilatçıları Azərbaycan İqtisadi İnkişaf Nazirliyi və AZPROMO-dur.
Azərbaycan-Almaniya biznes forumunu hələ 2006-cı ilin dekabrında Ştutqardda keçirmək planlaşdırılmışdı, lakin sonradan təxirə salındı. Vaxtın dəyişdirilməsi ilə bərabər tədbirin keçirilmə yeri də dəyişdirildi və bu forum Azərbaycan prezidentinin Almaniyaya səfəri çərçivəsində Berilndə keçiriləcək.
