Azərbaycan 20-22 fevral tarixində Moskvada MDB dövlətlərinin dəmiryolu nəqliyyatı üzrə Şuranın iclasında iştirak edəcək. Bu barədə Trend ə Azərbaycan Dövlət Dəmiryolu İdarəsindən bildirilib. Azərbaycan nümayəndə heyətinə Azərbaycan Dövlət Dəmiryolu İdarəsinin rəhbəri Arif Əsgərov başçılıq edəcək.
İclasın gedişində 2006-cı ildə MDB dövlətlərinin dəmiryollarının yekun işi barədə müzakirələr, əvvəlki iclasın qərarlarının yerinə yetirilməsi, 2007-ci il üçün iş planı, həmçinin ikitərəfli əməkdaşlıq məsələləri müzakirə ediləcək.
MDB dövlətlərinin dəmiryolu nəqliyyatı üzrə Şura 1992-ci il 14 fevral tarixli hökumətlərarası "MDB nəqliyyatının dəmiryolu koordinasiya idarələrinin razılığı" ilə yaradılıb. Şura fəaliyyətində MDB nizamnaməsi, Birlik çərçivəsində dövlətlərarası (hökumətlərarası) sazişlər, Birlik dövlətləri tərəfinlən yaradılmış və dəmiryol nəqliyyatına dair qərar qəbul etmək səlahiyyətində olan digər idarələrin işini və Birlik iştirakçılarının dövlət qanunvericiliyini, Birlik dövlətlərinin dəmiryol nəqliyyatı üzrə Şura əsasnamələrini rəhbər tutur.