Azərbaycanda bazar ertəsi səhər başlayan monitorinq zamanı "quş qripi" virusu ilə bağlı vəziyyət növbəti dəfə araşdırılacaq. Bu barədə Trend Kənd Təsərrüfatı Nazirliyi yanında Dövlət baytarlıq xidmətinə istinadən xəbər verir.
2007-ci ilin üçüncü monitorinqi dövlət xidmətinin, Ekologiya və Təbii Sərvətlər, Səhiyyə Nazirliklərinin, Ovçular cəmiyyətinin mütəxəssisləri tərəfindən həyata keçirilir. Monitorinq fevralın 16-da başa çatacaq.
Krasnodar vilayətində və Türkiyədə H5 virusu aşkar olunduğundan, Azərbaycanda həmin yerlərdən heyvan mənşəli məhsulların idxalına qadağa qoyulub.
Azərbaycan quşçuluq məhsullarını ABŞ, Kanada, qismən də Braziliyadan alır.