Azərbaycan,Bakı/müxbir Trend S.Babayeva/2007-2010-cu illər üçün Azərbaycan dəmir yollarının inkişafı üzrə dövlət proqramı çərçivəsində maliyyələşdirmə işinə iri maliyyə institutları - Dünya Bankı (DB), Avropa Yenidənqurma və İnkişaf Bankı (AYİB), Asiya İnkişaf Bankı və digər banklar maraq göstərib. Bu barədə Azərbaycan nəqliyyat nazirinin müavini Musa Pənahov məlumat verib.
Həmçinin xeyli həcmdə daxili vəsaitlərin də istifadəsi planlaşdırılır. Onun sözlərinə görə, DB qrant ayırıb və bu qrant çərçivəsində Bakı-Böyük Kəsik (Gürcüstan sərhədi) marşrutu üzrə dəmir yolunun yenidən qurulması layihəsi üzrə işlər aparılır. "Bu, çox böyük layihədir və baxılması üçün hökumətə təqdim olunacaq", - deyə nazir müavini qeyd edib.
M.Pənahov qeyd edib ki, Azərbaycanda dəmir yolunun yenidən qurulması zəruriliyi və dövlət proqramının hazırlanması yaxın zamanlarda Bakı-Tbilisi-Qars dəmir yolunun tikintisi ilə diqtə olunub. Bunun hesabına dəmir yolu nəqliyyatında yük daşınma həcminin əhəmiyyətli dərəcədə artırılması gözlənilir.
2007-ci ildə dövlət büdcəsi və investisiya proqramında dövlət proqramının müəyyən hissəsinin maliyyələşdirilməsi üçün vəsaitlər nəzərdə tutulub.
