Azərbaycan,Bakı/müxbir Trend U.İsmayılova /Fevralda Bakının bütün rayonları üzrə, xüsusən də Nəsimi və Nərimanov rayonlarında daşınmaz əmlaka olan qiymət artıb. Bu barədə şənbə günü "Daşınmaz Əmlak Bazarı İştirakçıları" ictimai birliyindən məlumat verilib.
Şəhərin mərkəzində (birinci zona) yeni tikililərdə 1-2 otaqlı mənzillərə təklifdə defisit müşahidə olunur. Şəhərin üçüncü və dördüncü zonalarında bu göstəricilər əksinədir: 1-2 otaqlı mənzillərə aşağı tələbatla təkliflər yüksəkdir. Şəhərin mərkəzində 4-5 otaqlı mənzillərə tələbat artıdığından onların qiyməti əhəmiyyətli dərəcədə artıb.
Təşkilatın müşahidələri göstərib ki, son aylar ərzində Bakıda 3-4-5 otaqlı mənzillərə tələbat əhəmiyyətli dərəcədə artıb. Bu da onlara olan qiymətlərin artmasına səbəb olub. Təşkilatın məlumatına əsasən, De luxes, Elite, Bussiness və Komfort mənzil klasslarının qiyməti, Economic və Simple mənzil klasslarına nisəbətən daha çox artıb.
