Azərbaycan, Bakı /müx. Trend İ.Xəlilova / İndoneziyanın Ticarət Palatası Azərbaycanın İxrac və İnvestisiyaların Təşviqi Fonduna (AZPROMO) əməkdaşlıq təklifi irəli sürüb. Bu barədə cümə günü AZPROMO-nun prezidenti Emil Məcidov məlumat verib. "Bu təklif səfirliyimizin xətti ilə bizə daxil olub. Bizim üçün bu, çox maraqlıdır və biz Azərbaycan və İndoneziya iş adamları arasında əməkdaşlıq imkanlarını öyrənməyə hazırıq" - deyə o bildirib.
Qeyd edək ki, AZPROMO-nun 2007-ci il tədbirlər planında Misirdən başqa (nəqliyyat məsələlərinin həll olunmaması səbəbindən) dünyanın bütün regionları əhatə olunub. Bu il 40-a yaxın biznes-forumların keçirilməsi planlaşdırılıb. Artıq onların bəziləri keçirilib.
