Azərbaycan, Bakı /müx. Trend İ.Xəlilova/ Azərcell Telecom müştərək müəssisəsində dövlət payının qiyəmətləndirilməsi yekunlaşmaq üzrədir. Bu barədə Azərbaycanın dövlət əmlakının idarəedilməsi Dövlət Komitəsindən verilən məlumatda bildirilir. Prosesin uzanmasına səbəb buraya yeni məsləhətçilərin cəlb edilməsidir. Bu, "CA IB Corporate Finance Beratungs Ges.m.b.H" və "Ernst şirkətlər konsorsiumudur. Bu üzdən də qiymətləndirmə təkrar keçirilir.
Azərcell Telecom bir necə dəfə qiymətləndirilib. Lakin obyekt strateji əhəmiyyətə malik olduğu üçün hökumət onun özəlləşdirməyə tələsmir. Rabitə və informasiya texnologiyaları naziri Əli Abbasovun fikrincə, Azərcell Telecom-dakı dövlət payı bu ilin sonunadək özəlləşdiriləcək.
Azərcell Telecom 1996-cı ildə "Azərtel" və Rabitə Nazirliyi tərəfindən təsis edilib. Müqavilədə dövlətin payı 51 faiz göstərilib. Əvvəllər İqtisadi İnkişaf Nazirliyi dövlətin faktiki payını 34,6 faiz qiymətləndirərək, onu 195 milyon dollara satmağa hazır idi. "Turkcell" və "Fintur" isə dövlətin Azərcell Telecom-dakı payını 200 milyon dollara almağa maraq göstərirdi.
Məlumat üçün bildirək ki, Azərcell Telecom-un xarici təsisçisi rolunda "Azərtel" çıxış edir. Onun 85 faizi "Fintur Holding B.V."yə məxsusdur. "Fintur Holding B.V."dəki iştirakın 41,45 faizi Türkiyənin "Turkcell" şirkətinə, 58,55 faizi isə Finlandiyanın "Teliasonera" şirkətinə məxsusdur. Qeyd edək ki, "Teliasonera"nın özü "Turksell"in təsisçisidir.
"Fintur" Azərbaycan, Qazaxıstan, Gürcüstan və Moldovada fəaliyyət göstərən mobil rabitə operatorlarırın təsisçisi rolunda çıxış edir. 2,3 milyon abunəçiyə malik Azərcell Telecom Azərbaycan Mobil rabitə bazarının 78 faizini və əhalinin 99 faizini əhatə edir. Şirkətin investisiyalarının həcmi artıq 0,5 milyard dolları keçib. Hazırda bu ölkənin qeyri-neft sektoruna yatırılan ən böyük investisiyalardır.
Bu gün Mobil rabitə bazarında fəaliyyət göstərən müştərək müəssisələrdən yalnız Bakcell özəlləşdirilib.
