Azərbaycan,Bakı/müxbir Trend S.Babayeva/ Azərbaycanda dənli bitkilərin yaz əkini 15 min hektar sahədə həyata keçirilib. Bu barədə çərşənbə axşamı Azərbaycanın Kənd Təsərrüfatı Nazirliyindən məlumat verilib. Bu, keçən ilin analoji dövrü ilə müqayisədə təxminən 2 min hektar çoxdur. Qarğıdalının sahəsi 12,4 min hektar təşkil edib.
2007-ci ildə Azərbaycanda dənli bitkilərin istehsalı 2 mln. ton həcmində proqnozlaşdırılır. Bunun 1,2-1,3 mln. tonu buğdanın payına düşür. Ölkədə dənli bitkilərə tələbat 3 mln. ton təşkil edir.
2006-cı ildə Azərbaycanda taxılın istehsalı 2 mln. tonu keçib (qarğıdalı da daxil olmaqla).
Kənd təsərrüfatı naziri İsmət Abbasovun fikrincə, Azərbaycanın bu ildə ərzaq taxılının idxalına olan tələbatı 500 min ton həcmində ola bilər.