Qazaxıstan, Astana /müx. Trend K.Konırova/ Qazaxıstan Bakı-Tbilisi-Qars dəmir yolu ilə ildə 10 milyon yük göndərməyə hazır olduğunu bəyan edib. Bu barədə cümə axşamı Astanada Azərbaycan Dövlət Dəmir Yolu (ADDY) idarəsinin rəhbəri Arif Əsgərov məlumat verib. Qeyd edək ki, Bakı-Tbilisi-Qars dəmir yolunun inşasının 2009-cu ildə yekunlaşacağı gözlənilir.
Əsgərovun sözlərinə görə, Qazaxıstan bu layihəni dəstəkləyir. "Qazaxıstan burada iştirak edəcək, konkret olaraq bu ölkə layihəyə yüklərlə dəstək verəcək. Respublika ildə 10 milyon yük göndərəcəyinə söz verib" - deyə Əsgərov bildirib.
"Biz dəmir yolunu iyunda tikməyə başlamaq niyyətindəyik. Yəni, bu vaxtadək bütün lazımi sənədlər rəsmiləşdirilməli və müvafiq tenderlər yekunlaşdırılmalıdır. Tikinti işləri iki il davam edəcək. Biz bu işləri 2009-cu ildə yekunlaşdırmağı planlaşdırırıq" - deyə idarə rəhbəri vurğulayıb.
