Gürücstan, Tbilisi /müx. Trend S.Əliyev/ 2007-ci ildə "Azərbaycan Beynəlxalq Bankı-Gürcüstan" Bakı-Tbilisi-Qars dəmir yolu magistralının inşası layihəsi çərçivəsində gürcü tərəfinə 50 milyon dollarlıq kredit ayırmağı planlaşdırır.
"Azərbaycan Beynəlxalq Bankı-Gürcüstan"ın baş direktoru Samir Vəliyev cümə axşamı Tbilisidə bəyan edib ki, mayın sonuna kimi gürcü tərəfinə 5 milyon dollar həcmində ilk tranş ayrılacaq.
Ümumilikdə Azərbaycan dəmir yolunun Gürcüstan hissəsinin tikintisinə 200 milyon dollar kredit ayırmağı planlaşdırır.
"Azərbaycan Beynəlxalq Bankı-Gürcüstan"ın əməliyyatlarına gəldikdə isə Əliyev bildirib ki, bank Gürcüstanda kreditləşməni xarici banklardən cəlb olunacaq vəsaitlər hesabına həyata keçirmək niyyətindədir.
"Konkret olaraq artıq tikinti sektoru və içməli su sahəsində layihələr var. Hər bir layihənin təxmini dəyəri 1 milyon dollara bərabərdir- deyə Əliyev vurğulayıb.
Əliyev həmçinin bildirib ki, 2008-ci ilin yayında "Azərbaycan Beynəlxalq Bankı-Gürcüstan" yeni ofisə köçəcək. Qeyd edək ki, artıq belə bir ofis alınıb. Bu məqsədlə 4 milyon dollar vəsait xərclənib.
"Azərbaycan Beynəlxalq Bankı-Gürcüstan"ın nizamnamə kapitalı 7 milyon dollar təşkil edir.
