Azərbaycan, Bakı/ Trend müxbir Ü.İsmayılova/ Almaniyanın iri sığorta şirkəti Hermes Azərbaycana böyük investisiya qoyuluşu planını hazırlayır. Bu barədə bazar ertəsi Bakıda Azərbaycan-Almaniya biznes-forumunda Almaniya Federasiyasının Iqtisadiyat və Texnologiyalar Nazirliyinin Rusiya, Ukrayna, Belarus, Moldova, Mərkəzi Asiya və Qafqaz üzrə nümayəndəsi Frank Vayzinq bildirib.
Hermes 1917-ci ildən sığorta ilə məşğul olur. 1989-cu ildən dövlət siyasətindən asılı olmayaraq xarcici şirkətlərin ödənilməmiş kreditlərini bağlamaq imkanı qazanıb. Bu gün kreditlərin sığortalanması üzrə ixtisaslaşan şirkətlər - Allianz Group, Euler və Hermes dünya bazarında ən böyük kredit sığortaçısı olan Euler
Forum zamanı Vayzinq bildirib ki, Almaniyanın kiçik və orta şirkətləri Azərbaycan şirkətləri ilə əməkdaşlıq istəyini bəyan edir.
Almaniya-Azərbaycan iqtisadi yardım ittiafaqı (DAWR), İxracın və investisiyaların təşfiqi fondunun (AZPROMO) təşkil etdiyi biznes-forumda Azərbaycanın sənaye və energetika naziri Natiq Əliyev, kənd təsərrüfatı naziri İsmət Abbasov, Almaniyanın Azərbaycandakı səfiri Per Stankina iştiarak ediblər.
Forumda iqtisadiyyatın müxtəlif sahələri ilə bağlı Almaniyadan 15, Azərbaycandan isə 40-dan yuxarı şirkət iştirak edib.
Forum zamanı rəsmi şəxslər Azərbaycan və Almaniya arasında iqtisadi əlaqələrin ikişafının vacibliyindən danışıblar. Qeyd olunub ki, Azərbaycan inkişaf edən bir ölkə kimi iqtisadiyyatı dinamik artan ölkələr sırasında mühüm yerlərdən birini tutur.