...

Daşınmaz Əmlakın Dövlət Reyestri Xidmətinin rəhbəri: Azərbaycanın rieltorları müflisləşə bilərlər

Biznes və iqtisadiyyat xəbərləri Materials 23 May 2007 15:04 (UTC +04:00)
Daşınmaz Əmlakın Dövlət Reyestri Xidmətinin rəhbəri: Azərbaycanın rieltorları müflisləşə bilərlər

Trend-i buradan izləyin

Azərbaycan, Bakı /müx. Trend Ü.İsmayılova/ Azərbaycanın rieltorları ciddi problemlə - müflisləşmə ilə üzləşə bilərlər. Bu sözləri çərşənbə günü Daşınmaz Əmlakın Dövlət Reyestri Xidmətinin rəhbəri Arif Qaraşov deyib.

Onun bildirdiyinə görə, daşınmaz əmlak bazarında artım tikinti materiallarının qiymətinin artımı ilə bağlıdır. Öz növbəsində tikinti materiallarının qiyməti enerji daşıyıcılarının qiymətləri artdığı üçün yüksəlir.

"Əgər rieltorlar tikinti bazarına uyğun olaraq qiymətləri artırmasalar, onlar müflis olacaqlar" - deyə Qaraşov qeyd edib.

"Daşınmaz əmlak bazarının iştirakçıları" ictimai təşkilatının apardığı monitorinqin nəticələrinə əsasən, martla müqayisədə aprel ayında Bakının tikinti materialları bazarında qiymətlər 4,1 faiz artıb. 2006-cı ilin apreli ilə müqayisədə isə müvafiq artım 23,6 faiz təşkil edib.

Qaraşovun proqnozlarına əsasən, 2007-ci ilin sonlarınadək daşınmaz əmlak bazarında qəfil artım gözlənilmir. İlin əvvəlindən Bakıdakı daşınmaz əmlak qiymətlərində artım 25 faizə bərabər olub. Bu, Tarif Şurasının kommunal xidmətləri və enerji daşıyıcıları qiymətlərinin artırılması ilə bağlı qərarından sonra baş verib.

"Bakının daşınmaz əmlak bazarında qiymətlərin enməsi baş verməyəcək. İl ərzində tikinti materiallarının qiymətlərinin artımına uyğun sabit artım müşahidə olunacaq" - deyə Qaraşov bildirib.

Xəbər lenti

Xəbər lenti