Azərbaycan, Bakı/ Trend / "AtaSıgorta" sığorta şirkəti nizamnamə kapitalını 2 mln. manata qədər artırıb. Bu barədə şirkətin yaydığı məlumatda göstərilib.
Sığorta Şirkətinin İdarə Heyətinin sədri Fərid Əsədovun sözlərinə görə, ötən il səhmdarların yığıncağında nizamnamə kapitalının 2 mln. manata qədər artırılması barədə qərar qəbul olunub. Bu günə isə elan olunmuş məbləğ artıq səhmdarlar tərəfindən ödənilib.
"AtaHolding" və "AtaBank" tərəfindən təsis olunan "AtaSıgorta" 2004-cü ildən bazarda fəaliyyət göstərir. Hazırda şirkət 31-i könüllü, 4-ü icbari olmaqla 35 növ üzrə sığorta xidməti göstərir.
