Azərbaycan, Bakı/ Trend müxbir İ.Xəlilova/ Asiya İnkişaf Bankı (AİB) nəqliyyat sektorunda Azərbaycanla əməkdaşlığını genişləndirmək istəyini bildirib. Bu barədə İqtisadi İnkişaf Nazirliyi məlumat verib. AIB xüsusilə Bakı-Tiflis-Qars marşrutu üzrə dəmiryol layihəsini maliyyələşdirməkdə maraqlıdır. Bu barədə bank nümayəndələri həftəiçi Kazanda AYIB idarəçilər şurasının illik toplantısı çərçivəsində Azərbaycanın iqtisadi inkişaf naziri Heydər Babayevlə görüşdə bildiriblər.
Elə məhz Kazanda Avropa Bankı ilə bu layihənin dəstəklənməsi barədə memorandum imzalanıb.
Nəqliyyat nazirinin müavini Musa Pənahov boildirib ki, layihə üzrə işlərin iyul ayında başa çatacağı gözlənilir. Bundan sonra isə iki lot üzrə işlər görüləcək - Gürcüstan sərhədindən Axalkalakiyə qədər dəmir yolunun tikintisi və Axalkalaki stansiyasının dayanacaq stansiyası kimi inkişaf etdirilməsi.
Qeyd edək ki, Pənahovun bu fikirləri ötən həftə layihənin hazırlıq vəziyyəti ilə bağlı Azərbaycan, Gürcüstan və Türkiyə nəqliyyatçılarının Bakıda keçirilən görüşündən sonra səsləndirilib.
Bakı-Tiflis-Qars dəmiryol xəttinin tikintisinin 2009-cu ilə qədər başa çatdırılacağı güman edilir. Layihənin koordinatoru Azərbaycan tərəfdən Nəqliyyat Nazirliyi təyin olunub.
Layihənin tikintisi ilkin olaraq 410 mln. dollar dəyərində qiymətləndirilir ki, bunun da 200 mln. dolları yolun Gürcüstan hissəsinin tikintisi üçün nəzərdə tutulub. Bu hissənin tikintisi Azərbaycan Dövlət Neft Fondunun güzəştli krediti hesabına həyata keçiriləcək.