Azərbaycan, Bakı /müx. Trend S.Babayeva/ Azərbaycan Hesablama Palatasının sədri Heydər Əsədovun rəhbərlik etdiyi nümayəndə heyəti Türkiyədə işgüzar səfərdədir. Bu barədə Hesablama Palatasından verilən məlumatda deyilir.
Mayın 31-dək davam edəcək səfərin əsas məqsədi Türkiyə Hesabları Məhkəməsinin (The Turkish Court of Accounts) yaradılmasının 145-ci ildönümü münasibəti ilə təşkil edilən tədbirlərdə iştirak etməkdir.
Tədbirlər İstanbul və Ankarada keçiriləcək. Həmin tədbirlərdə Türkiyə baş naziri Rəcəb Tayyib Ərdoğan, Türkiyə Böyük Millət Məclisinin sədri Bülənt Arınc və INTOSAI (International Organization of Supreme Audit Institutions) prezidenti Arpad Kovaç iştirak edəcək.
Yubiley tədbirlərində "Ətraf mühitin qorunması üzrə audit" adlı birgünlük simpoziumun keçirilməsi planlaşdırılır.