Azərbaycan, Bakı /müx. Trend İ.Xəlilova / Komissiyanın Azərbaycan tərəfdən sədri, baş nazirin müavini Yaqub Eyyubov bildirib ki, Azərbaycan və Rusiya arasında İqtisadi Əməkdaşlıq üzrə Dövlətlərarası Komissiyanın növbəti iclası sentyabr ayında Moskvada keçiriləcək. Onun sözlərinə görə, hazırda iclasın gündəliyinin hazırlıq prosesi gedir.
"Komissiya bir sıra mühüm məsələləri həll edir. Bunlara nəqliyyat, məhkəmə və mülkiyyətlə bağlı məsələlər daxildir" -deyə baş nazirin müavini qeyd edib. Azərbaycan və RF hökumətləri ölkəmizdən daşınan meyvə-tərəvəzə olan bütün maneələri aradan qaldırıblar.