Azərbaycan, Bakı /müx. Trend Ü.İsmaylova/ Bazar ertəsi GORQUD SIGORTA sığorta şirkətinrin baş direktoru Rəşad Əhmədov bildirib ki, Azərbaycan Sığortaçılar Assosiasiyası sığorta statistikasının tətbiq ediməsi məsələsini həll etməlidir. Sığorta statistikası sığorta risklərinin hesabatıdır və onların qeydiyyatı zamanı bu və yə digər sığorta növünə tarif qoyulur.
Əhmədov bildirib ki, əgər statistika məsələsi 22 iyunda keçiriləcək iclasda müzakirə və həll olunarsa istisna edilmir ki, Azərbaycanın sığorta bazarında daha sağlam rəqabət müşahidə olunacaq.
"Şirkətlər tez-tez rast gəlinən sığorta riskləri barədə informasiyanı bölüşəcək və bu , hər bir tərəf üçün əlverişli olan tarifin müəyyənləşdirilməsini mümkün edəcək. Hər hansı bir riski sığortalamaq istəyən müştəri daha ucuz sığorta üçün bir şirkətdən digərinə getməyəcək", -deyə Əhmədov qeyd edib.
Bazarda mövcud olan problemlərlə yanaşı, baş direktor potensial müştərilər arasında təbliğat məsələlərini də qeyd edib. "Sığorta müqavilələrinin 80-90%-i KASKO-nun və mülkiyyətin məcburi sığortası hesabına bağlanır. Əhali bunu sığortanın əhəmiyyətini başa düşdüyü üçün deyil, bunun vacib olduğu üçün edir" , -deyə o bildirib.
Onun sözlərinə görə, əhali arasında sığortanın inkişafına təkan verəcək təbliğat proqramı həyata keçirilməlidir. "GORQUD SIGORTA"nın nizamnamə kapitalı hazırda 750 min manat təşkil edir, lakin "Sığorta haqqında qanun"a əsasən, sığorta şirkətlərinin kapitallaşmasındıa dəyişikliklər baş verdiyi üçün
şirkət bu kapitalı 2008-ci ilin yanvar ayının 1-dən 2 milyana çatdırmağı planlaşdırır.