Azərbaycan, Bakı / Trend / Bakı-Vyana birbaşa aviareysləri Azərbaycanla Avstriya arasında turizmin inkişafına xidmət edəcək. Bunu Azərbaycanın iqtisadi inkişaf naziri Heydər Babayevlə görüşdə Avstriyanın iqtisadiyyat və əmək nazirliyinin baş katibi M.Ayxtinger deyib.
İİN-in yaydığı məlumata görə, görüş zamanı ikitərəfli iqtisadi-ticarət əlaqələrinin inkişafı, elektrik stansiyalarının inşası, məişət tullantılarının emalı və digər məsələlər müzakirə olunub.
Babayev qeyd edib ki, Azərbaycanda qeyri-neft sektorunun inkişafına və Avstriya ilə müvafiq istiqamətdəki əməkdaşlığa böyük diqqət yetirilir.
Öz növbəsində Ayxtinger Bakıda keçirilən neft-qaz sərgisindən məmnunluğunu ifadə edib.
Görüş zamanı Avstriyanın iqtisadiyyat və əmək naziri M.Bartenştaynın sentyabrda Bakıya nəzərdə tutulan səfəri müzakirə olunub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
