Azərbaycan, Bakı / Trend / Azərbaycanda pensiyaların sığortası sahəsindəki islahatların keçirilməsi məsələsi Dünya Bankının iqamətgahında müzakirə olunacaq.
Bu barədə Azərbaycanın Əhalinin sosial müdafiəsi fondunun yaydığı məlumatda bildirilir.
İyunun 11-dən 15-dək Vaşinqtonda Dünya Bankı "Azərbaycanda pensiya sisteminin idarə edilməsi" adlı seminar keçirəcək.
Azərbaycanı bu tədbirdə təmsil edəcək fondun rəhbəri Səlim Müslimov burada pensiyaların sığortası sahəsindəki islahatları təqdim edəcək.
Azərbaycan hökuməti ilə Dünya Bankı 2004-cü ilin 23 sentyabrında pensiya və sosial təminatla bağlı kredit sazişi imzalayıblar. Bu layihəyə seminarların keçirilməsi də daxildir.
