Azərbaycan, Bakı/ Trend müxbir S.Babayeva/ Əmək və Əhalinin Sosial Müdafiəsi Nazirliyi Naftalan və Quba rayonlarında əmək yaramarkaları keçirib. Nazirliyin Baş Məşğulluq idarəsindən verilən məlumata görə, Naftalanda 36, Qubada 61 nəfər olmaqla ümumilikdə 97 nəfər işlə təmin olunub.
Naftalanda 15 müəssisə 82 vakant işçi yeri təklif edib. Burda ödənişli ictimai işlərə 12 nəfər cəlb olunub. Qubada da elə bu sayda insan hazırlıq kurslarına göndərilib.
İlin əvvəlindən Naxçıvan Muxtar Respublikası da daxil olmaqla Əmək Nazirliyi Azərbaycanın 11 rayon və şəhərində əmək yarmarkaları keçirib. 859 nəfər işə qəbul olunub.
113 nəfər hazırlıq kurslarına göndərilib, 117 nəfər ödənişli ictimai işlərə qəbul olunub. Yarmarkalarda iştirak edən 383 şirkət tərəfindən 3124 vakant yer təklif olunub. Növbəti yarmarka iyunun 21-də Daşkəsəndə keçiriləcək.
2006-cı ildə nazirlik Azərbaycanın müxtəlif regionlarında, həmçinin NMR-də 40-dan çox yarmarka keçirib. Nəticədə 7,8 min nəfər işlə təmin olunub.