Azərbaycan, Bakı/ Trend / Azərbaycan prezidenti İlham Əliyev iyunun 29-da qiymətli metallarla bağlı fəaliyyət üçün lisenziya verilməsi qaydalarına dəyişiklik edilməsi barədə Fərman imzalayıb.
Fərmana əsasən, bu sahənin lisenziyalaşdırılması Azərbaycan Maliyyə Nazirliyindən asılı olacaq. Dövlət rüsumunun dəyəri isə aşağıdakı kimi olacaq:
- qiymətli metalların hasilatı və istehsalı üçün lisenziyanın dəyəri - 5 min manat;
- qiymətli metal və daşların istifadəsi və emalı, həmçinin zərgərlik məmulatlarının hazırlanması və təmiri üçün lisenziya - 500 manat;
- zərgərlik məmulatlarının topdan və pərakəndə satışını, onların əhalidən alınmasını nəzərdə tutan qiymətli metal və daşlardan olan məhsulların dövriyyəsi üçün lisenziya - 550 manat;
Prezident Fərmanına əsasən, bir ay müddətində Nazirlər Kabineti yeni Fərmanı da nəzərə almaqla mövcud qanunvericiliyə dəyişikliklər üzrə təkliflər hazırlamalıdır.