...

Bakı Fond Birjası üzvlük haqlarına baxılması ilə bağlı planlarını təxirə salıb

Biznes və iqtisadiyyat xəbərləri Materials 2 İyul 2007 12:12 (UTC +04:00)

Azərbaycan, Bakı /müx. Trend İ.Xəlilova/ Bakı Fond Birjası (BFB) İdarə Heyətinin sədri Xəyal Abdinovun verdiyi məlumata görə, birja 2007-ci ildə üzvlük haqlarının miqdarına yenidən baxmağı planlaşdırmır. Hazırda üzvlük haqqı 60 min manat təşkil edir.

"Mən hesab etmirəm ki, indi üzvlük haqqının qaldırılması məsələsinə baxmaq düzgün olardı, belə ki, 60 min manat ciddi məbləğdir. İlkin dövrlərdə planlaşdırılmasına baxmayaraq, bu il birjanın ticarət sistemində yerlər üçün üzvlük haqqı məsələsinə baxılmayacaq" - deyə Abdinov bildirib.

Üzvlük haqqının qaldırılması məsələsi birjaya olan marağın artması ilə bağlı idi və BFB-yə yer əldə etmək istəyən xarici strukrurlar və yerli şirkətlər tərəfindən edilən müraciətlər çoxdur. Hazırda birjada 14 üzv var.

Fonda olan marağın artması hesabına birjanın gələcək inkişafı üçün əlavə vəsait cəlb edilməsi planlaşdırılır, lakin bunun hazırkı mərhələdə BFB-nın nizamnamə kapitalının artırılması hesabına edilməsi nəzərdə tutulmur.

Fond Birjasının nizamnamə kapitalı birjanın 18 səhmdarı tərəfindən 1,080 mln. manat dəyərində formalaşdırılıb.

Xəbər lenti

Xəbər lenti