Azərbaycan, Bakı/ Trend müxbir S.Əliyev/ Əlverişsiz hava şəraiti ilə əlaqədar yüklərin Xəzər Dəniz Gəmiçiliyinin bərələri ilə daşınmasında fasilələr müşahidə olunur. Bununla əlaqədar Bakıda yüklərin göndərilməsini gözləyən xeyli sayda sistern yığılıb qalıb. Bu barədə çərşənbə günü Azərbaycan Dövlət Dəmir Yolundan məlumat verilib.
Hazırda Bakıda təqribən 650 dayanmış vaqon var. Lakin ADDY-dən bildirilib ki, yaxın zamanlarda onlar göndəriləcək.
ADDY ildə 20 mln. tondan çox neft və neft məhsulu nəql etmək imkanına malikdir.
Neft və neft məhsulları ilə yüklənmiş vaqonlar Türkmənistan və Qazaxıstandan göndərilir. Azərbaycandan keçən yüklər Gürcüstanın Poti və Batumi limanlarına çatdırılır.
