Azərbaycan, Bakı/ Trend müxbir Ü.İsmayılova/ İyulun 15-nə qədər Əmək və Əhalinin Sosial Müdafiəsi Nazirliyinin mərkəzlərinə ünvanlı sosial yardım alınması üçün 125 464 müraciət daxil olub, 96867 ailə (77,2 faiz) qeydiyyata alınıb. Bu barədə Nazirliyin məlumatında göstərilib.
Onlardan 47 049 ailə (48,6 faiz) ilk dəfə, 49 818 (51,4 faiz) ailə təkrarən qeydə alınanlardır.
Əmək Nazirliyi nəzdindəki komissiyalar 84 825 müraciətə baxıb, 35 995 birinci dəfə və 31 281 ikinci dəfə ÜSY alıblar.
Hesabat dövründə ÜSY alanların ümumi sayı 306 952 nəfər, adambaşına orta məbləğ 16,44 manat, ailə üçün isə 75,01 manat təşkil edib.
10 477 ailəyə ÜSY verilməsindən imtina edilib, həmçinin 1 981 (18,9 faiz) ailə 2 illiyinə yardım almaqdan kənarlaşdırılıb.